Каталонияда намойишчилар марказий Испания ва Францияга олиб борадиган йўлларни тўсиб қўйди

Намойишчиларнинг сўзларига кўра, жаҳон ҳамжамияти "Испанияни мазкур низони ҳал қилишнинг ягона йўли музокаралар бошлаш эканлигини тушунишга мажбур қилиши" лозим.

Каталония мустақиллиги учун намойиш ўтказаётганлар марказий Испания ва Францияга олиб борадиган автомагистралларни тўсиб қўйди. Бу ҳақда EFE агентлиги хабар берди.

Намойишчилар йўлларни ўз автомобиллари билан тўсиб қўйишган. Уларнинг сўзларига кўра, жаҳон ҳамжамияти "Испанияни мазкур низони ҳал қилишнинг ягона йўли музокаралар бошлаш эканлигини тушунишга мажбур қилиши" лозим.

Франция чегара олдидаги пунктларида ва марказий Испанияда полициячилар сони оширилган.

Аввалроқ Испания ҳукумати раиси вазифасини бажарувчи Педро Санчес Каталония ҳеч қачон Испания таркибидан чиқмаслигини таъкидлаганди.