Фото: government.ru
Ўзбекистон Республикаси бош вазири Абдулла Арипов Россия ҳукумати раиси Дмитрий Медведев билан телефон орқали мулоқот ўтказди.
Россия Федерацияси вазирлар маҳкамаси матбуот хизматининг 5 декабрь куни хабар қилишича, ўзаро мулоқот давомида икки томонлама ҳамкорлик масалалари юзасидан фикр алмашилди.
«Абдулла Арипов ва Дмитрий Медведев телефон орқали суҳбат чоғида савдо-иқтисодий соҳадаги икки томонлама ҳамкорликнинг бир қатор долзарб масалаларини муҳокама қилдилар», - дейилади Россия ҳукумати баёнотида.
Шунингдек, Россия ва Ўзбекистон ўртасидаги ҳукуматлараро ҳамкорлик мавзуси кўриб чиқилгани айтилмоқда.
Бундан олдин, Ўзбекистон аэропортларни Россия компанияси бошқарувига беришдан бош тортиши мумкин экани хабар қилинганди.
