Элдор Шомуродов уйланди

Ўзбекистон миллий жамоаси ҳамда «Ростов» клуби ҳужумчиси Элдор Шомуродов уйланди. Унинг тўйи бўлиши ҳақида «Ростов» мураббийи Валерий Карпин «Матч Премер» телеканалидаги чиқишида айтганди.

Бугун, 28 декабрь куни Тошкентда Элдорнинг тўйи бўлмоқда. «Ростов» клуби ҳужумчининг тўйидан расм ва видео эълон қилди. Kun.uz ижодкорлари Элдор ва Аминага бахт тилайди.

Россия чемпионатининг биринчи қисмидан сўнг 10 та гол билан тўпурарлар пойгасида иккинчи бўлиб тургун Шомуродовга айни дамда кўплаб Европа клублари қизиқиш билдирмоқда. Tribuna.uz мухбири билан суҳбатда Шомуродов мавсумни аниқ «Ростов»да якунлашини айтганди.

Олдинроқ Элдор Шомуродов Ўзбекистонда 2019 йилнинг энг яхши футболчиси деб топилганди. Футболчи бу мукофотга фаолиятида илк марта сазовор бўлди.