Жанубий Кореяда коронавирус тарқалгани сабабли президент истеъфосини талаб қилишмоқда

Петицияда инфекциянинг мамлакатга кириб келишининг олдини олиш ва унинг тарқалишини учун самарали чора кўрмаган Мун Чжэ Ин кескин танқид қилинган.

Фото: Yonhap

Корея Республикаси президенти Мун Чжэ Ин мамлакатда коронавирус инфекцияси тарқалишига қарши кураша олмагани сабабли унинг истеъфога чиқиши талаб қилинган петицияни бир миллиондан ортиқ киши имзолади.

Бир кун олдин петицияни қўллаб-қувватлаганлар сони 500 минг нафар эди.

Экспертларнинг қайд этишича, петицияни имзолаганлар сони бир кунда икки бараварга ўсиши аҳолининг ҳукуматдан норозилиги кучайганини билдиради.

Мамлакат раҳбари сайтига жойлаштирилган ҳар қандай петиция 200 мингдан ортиқ имзо йиғса, ҳукумат унга жавоб қайтариши лозим.

Кореяда коронавирусга чалиниш билан боғлиқ ҳолатлар пайшанба куни 334тага ошиб, 1595тага етди, 12 киши вафот этди.

Тайёрлаган Дилшод Аскаров

#Жанубий Корея #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.