Қўшимча функционаллар
-
Тунги кўриниш
Мисрда энг хавфли террорчилардан бири қатл этилди
Ҳишом Ашмавийнинг қатл қилингани ҳақида 24 февралда хабар берилган, аммо унинг адвокатлари бу хабарни рад этганди.
Фото: AP Photo / Egyptian State Television
Мисрнинг энг хавфли террорчилари рўйхатида бўлган Ҳишом Ашмавий мамлакат қамоқхоналаридан бирида қатл этилди. Бу ҳақда полковник Тамер Рифоий ўзининг Facebook саҳифасида маълум қилди.
"Террорчи Ҳишом Ашмавийга нисбатан чиқарилган ўлим жазоси чоршанба куни эрталаб ижро этилди", - дейилади унда.
Ашмавий ва яна 200 нафар айбланувчи кейинчалик ИШИДга қўшилган "Ансор Байт ал-Мақдис" экстремистик тармоғи иши бўйича жавобгарликка тортилганди.
Улар Қоҳира ва Жанубий Синайда содир этилган 54та жиноят ва терактларда, жумладан, полиция ходимлари ва мамлакат бош прокурорини ўлдириш, ички ишлар вазирига суиқасд қилиш, давлат идоралари, черков ва масжидларда терактлар уюштиришда айбланган.
Ашмавийнинг қатл қилингани ҳақида 24 февралда хабар берилган, аммо унинг адвокатлари бу хабарни рад этганди. Унга ва яна 36 нафар террорчига нисбатан якуний ўлим ҳукми 2 март куни чиқарилган. Яна 61 нафар айбланувчи бир умрлик қамоқ жазосига, қолганлар эса 5 йилдан 15 йилгача озодликдан маҳрум этилган. 22 айбланувчи вафот этгани муносабати билан уларга нисбатан жиноят иши тугатилган.
Мавзуга оид
10:53 / 07.11.2024
Миср Самарқанд вилояти туман ва шаҳарларида сув таъминоти тизимини модернизация қилиши мумкин
12:32 / 06.11.2024
Миср Навоийдаги мис конида бурғилаш ишларини бошлади
10:00 / 31.10.2024
Нетаняҳу: Мисрнинг 48 соатлик оташкесим ҳақидаги таклифи Исроилга тақдим этилмади
14:30 / 29.10.2024