Коронавирус: Ҳиндистон чегараларини ёпмоқда
Ҳиндистон мамлакат ҳудудида саёҳат қилувчилар учун чекловлар қўя бошлади.
Reuters нашри хабар беришича, Ҳиндистон ҳукумати мамлакатда коронавирус тарқалишининг олдини олиш учун қўшни Мяньма билан чегараларни ёпиб қўйди.
Мьянмада коронавирус билан боғлиқ бирор ҳолат қайд этилмаган бўлса-да, Жанубий Осиёда вирус билан боғлиқ ҳолатлар кўпайган.
Шунингдек, Франция, Испания ва Германия фуқароларига виза бериш вақтинча тўхтатиб қўйилган. Чекловлар вирусдан энг кўп зарар кўрган мамлакатлар – Хитой, Италия, Эрон, Япония ва Жанубий Корея каби мамлакат фуқаролари учун ҳам қўлланган.
«COVID-19 юқишининг олдини олиш чора-тадбирларини кучайтириш мақсадида Мяньма билан чегараларни ёпмоқдамиз», дейди шимоли-шарқий Манипур штатининг бош вазири Бирен Сингҳ.
Шу билан бирга, штатдаги барча мактаб ва кинотеатрлар ҳам ёпилган.
Aйни вақтда Ҳиндистонда коронавирус билан боғлиқ 52та ҳолат тасдиқланган бўлиб, ҳукумат фуқаролардан имкон қадар чет эл сафарларини бекор қилишни сўрамоқда.
Сўнгги маълумотларга кўра, дунё бўйича вирусдан зарарланишнинг 121 мингдан ортиқ ҳолати қайд этилган, вирус қурбонлари сони 4383 нафарни ташкил қилмоқда, 66 мингдан ортиқ киши соғайиб кетган.
Мавзуга оид
23:02 / 03.10.2024
Ҳиндистон Олий суди қашшоқ оиладан чиққан талабанинг коллежга кириш орзусини рўёбга чиқарди
21:04 / 02.10.2024
Ҳиндистонда ўқитувчилар «мактаб фаровонлиги» учун ўқувчини қурбон қилишди
22:15 / 01.10.2024
Ҳиндистон Венера сайёрасини тадқиқ этиш бўйича биринчи миссиясини учиради
14:25 / 28.09.2024