Қўшимча функционаллар
-
Тунги кўриниш
«Даромад 100 млн сўмгача бўлса, қатъий белгиланган солиқ тўланади». ДСҚ хонандаларни солиққа тортиш тартибини тушунтирди
Бугун, 12 март куни бўлиб ўтган матбуот анжуманида Давлат солиқ қўмитаси раиси ўринбосари Фазлиддин Умаров хонандаларга солиқ тўлаш тартибининг жорий қилиниши ҳақидаги саволга жавоб берди.
Унинг билдиришича, 2020 йилнинг 1 январидан бошлаб санъаткорлардан янгича тартибда солиқ ундириш жорий этилган. Мазкур масала сўнгги 3 йилликда солиқ сиёсатини такомиллаштириш доирасида ҳар йилги параметрларда муҳокама қилинган.
“Хонандалик фаолиятини амалга оширишда рухсатнома олишдаги давлат божи ставкаси пасайтирилди ва уларга солиқ тўлаш жорий қилинди.
Солиқ режими бўйича даромади 100 миллион сўмгача бўлса, қатъий [белгиланган] солиқ тўланади. Ставка Пенсия жамғармаси билан биргаликда 270 минг атрофидаги суммани ташкил қилади. Хизмат кўрсатишдан олаётган даромади 100 миллион сўмдан ошадиган бўлса, улар айланма [маблағлар]дан солиқ тўлашга ўтишади.
Шу билан бир қаторда, барча тадбиркорлик субъектларимизга тегишли. Улар декларация асосида солиқ тўлаши мумкин. Хизмат кўрсатишдан олаётган даромади ва хизмат кўрсатиш билан боғлиқ барча харажатларни чегириб ташлаб, ўзига қоладиган соф фойдасидан 12 фоиз солиқ тўлаш тартиби жорий қилинди”, - дея Фазлиддин Умаровнинг сўзларини келтирмоқда Kun.uz мухбири.
Аввалроқ, санъаткорлардан бошқача тартибда солиқ ундириш режалаштирилаётгани ҳақида маълумот берилган эди.
Мавзуга оид
13:50 / 16.08.2022
Тадбиркорлик субъектларининг айланмаси 650 трлн сўмдан ошиб, аввалги йилга нисбатан 127,8 фоизга ўсди
12:36 / 01.07.2022
Бекор бўлаётган имтиёзлар, янги субсидиялар – 1 июлдан солиқ маъмурчилигида нималар ўзгарди?
15:30 / 30.06.2022
Шерзод Қудбиев ёш солиқчилар билан учрашувда ДСҚда ишлаш истагини билдирган қизни ишга олди
17:39 / 07.05.2022