Ўзбекистон Эронга инсонпарварлик ёрдами жўнатади

Ёрдам Эроннинг коронавирусга қарши курашиш бўйича саъй-ҳаракатларини қўллаб-қувватлаш ва вирусни енгиш учун биргаликдаги чора-тадбирларни таъминлаш мақсадида жўнатилмоқда.

Ўзбекистон Вазирлар Маҳкамасининг “Эрон Ислом Республикасига инсонпарварлик ёрдамини юбориш тўғрисида Ҳукумат фармойиши”да Эронга қуйидаги товарлар етказилиши айтилган: 

• бир марталик стерил тиббий қўлқоплар;
• ҳимоя қилувчи комбинезон;
• махсус тиббий форма;
• тиббий ниқоблар;
• тиббий дока;
• тиббий спирт;
• гигиеник гель;
• “Rutan” таблеткалари.

Инсонпарварлик юкини кузатиб бориш ва топшириш учун Эронга фавқулодда вазиятлар вазирининг ўринбосари бошчилигида Ўзбекистон делегацияси юборилади.

Аввалроқ, 12 февралда ва 3 мартда Ўзбекистон Хитойга иккита инсонпарварлик ёрдамини жўнатганди.

Охирги маълумотларга кўра, Эронда коронавирусдан касалланганлар сони 9 мингни, ундан вафот этганлар сони 354 нафарни ташкил қилмоқда.