S&P «глобал рецессия»дан огоҳлантирди

Кредит рейтинг агентлиги томонидан берилган баёнотда эпидемияни назорат қилиш учун кўрилган чоралар иқтисодиётда кутилмаган тўхталишга олиб келганлиги таъкидланди.

Шунингдек, баёнотда вирус сабаб бу йил бутун дунё бўйлаб кучли кредит босими юзага келгани, бу эса глобал кредит пасайишига олиб келиши айтилди.

Нақд пул оқимининг пасайиши, оғир молиявий шароитлар ва бир вақтнинг ўзида нефть нархи пасайиши кредит кўламига путур етказиши таъкидланган очиқламада эпидемия таъсирининг даражаси саноат ва активлар синфига кўра фарқ қилиши таъкидланди.

«Ушбу омиллар катта эҳтимол билан дефолтлар ортишига сабаб бўлади. АҚШда молиявий бўлмаган компанияларда дефолтларнинг ставкаси 12 ой ичида 10 фоизга ошиши мумкин», дейди S&P глобал тадқиқот президенти Александр Димитриевич.

Димитриевичнинг айтишича, жиддий, аммо қисқа муддатли иқтисодий қисқариш заиф кредитлар тўғридан-тўғри таъсир кўрсатадиган секторларда яққол сезилиши мумкин. Узоқ муддатли инқироз янада оғирроқ натижаларга олиб келади.

S&P компаниясининг яна бир баёнотида пасайиш хавфи туфайли иқтисодий ўсиш 1-1,5 фоиз орасида бўлиши билдирилган.

Баёнотда эпидемиянинг иқтисодий таъсири кескин ёмонлашгани, Хитойнинг январь-февраль ойларидаги иқтисодий кўрсаткичлари кутилганидан ҳам ёмонроқ эканлиги таъкидланди.

Европа ва АҚШдаги иқтисодий фаолият, шунингдек, даромад ва кредит сифати ёмонлашгани таъкидланган баёнотда Cоvid-19 эпидемиясининг авж олиши, бозорлардаги ўзгарувчан курс ва кредит босимининг ошиши сабабли бу йил глобал инқироз кутилиши ифода этилди.