Саудия Арабистонида комендантлик соати киритилди

Саудия Арабистони подшоҳи Салмон бин Абдулазиз Ол Сауд 23 мартдан шаҳарлар аҳолисининг ҳаракатланишига тақиқлов киритилиши ҳақидаги фармонни қабул қилди.

Фото: Anadolu Agency

Комендантлик соати коронавирус тарқалиши олдини олиш мақсадида кечки соат 19дан эрталабки соат 6гача 21 кун давомида амал қилади.

Аввалроқ коронавирус эпидемияси сабабли мамлакатдаги барча масжидларда жамоат намозларини адо этиш тақиқланганди.

Охирги кунларда подшоҳликда коронавирусга чалинганлар сони кескин кўпайиб кетди. Айни вақтда мамлакатда касалликка чалинганлар сони 511 нафарни ташкил қилмоқда.

Тайёрлаган Шуҳрат Раҳимов

#Саудия Арабистони #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.