Саудия Арабистонининг Saudi Aramco нефть-газ компанияси апрель ойида етказиб бериладиган пропан нархини 46,5 фоизга – тоннасини 430 доллардан 230 долларгача туширади.
Шунингдек, апрелда бутан нархи ҳам 50 фоизга – тоннаси 480 доллардан 240 долларгача арзонлашади.
Аввалроқ қироллик энергетика вазирлиги мамлакат май ойида нефть экспортини суткасига 600 минг баррелга оширишни режалаштираётганини маълум қилганди.
Март ойи бошида ОПЕК+ келишуви бекор бўлгач, Ар-Риёд нефть қазиб олишни кўпайтиришини маълум қилган ва харидорларга арзон нархларда таклиф этганди. Бунинг ортидан жаҳон бозорида нефть нархи кескин тушиб кетди.
