2026 йилнинг январ-август ойларида Президент Халқ қабулхоналари томонидан мурожаатлар билан ишлашда йўл қўйган камчиликлари юзасидан давлат органлари ва ташкилотларига таъсир чоралари кўриш бўйича жами 5486 та ҳужжат киритилган.
Маълум қилинишича, кўрилган чоралар натижасида 151 нафар шахс лавозимидан озод этилган. Шунингдек, 833 нафар ходимга ҳайфсан жазоси қўлланилган.
Бундан ташқари, 150 нафар ходим маъмурий жавобгарликка тортилган ва 1335 нафари расман огоҳлантирилган.
Мурожаатлардаги камчиликлардан келиб чиқиб, чора кўришдан ташқари, йўл қўйилган хато ва камчиликларни тузатиш бўйича энг кўп мурожаат тушаётган 10 га яқин ташкилотларда амалий ўқув семинарлари ташкил этилган.
