Москвада катта гуруҳ бўлиб тўпланувчилар жаримага тортилади

Москвада катта гуруҳ бўлиб тўпланувчи одамлар ўзини изоляциялаш режимини бузгани учун жаримага тортилади. Бу ҳақда Москва мэри матбуот котиби Борис Булай маълум қилди.

Фото: Сергей Карпухин / ТАСС

“Фармойиш бор, унда жарималар аниқ кўрсатиб қўйилган. Айни вақтда бу карантин қоидаларига риоя қилмайдиган, катта гуруҳ бўлиб тўпланувчиларга ва шаҳар маъмурияти огоҳлантиришларига қулоқ солмайдиганларга жорий қилинади”, деб айтган Булай.

Аввалроқ Москва мэри Сергей Собянин карантин режимини бузганлик учун тўланадиган жарималар ҳақидаги қонунни тасдиқлаганди. Унга кўра, уйдан асосли сабабсиз кўчага чиқадиганлар 5 минг рублгача, вирус тарқалишига қарши чораларни бузадиган ташкилотлар эса 500 минг рублгача жаримага тортилади.

30 март куни Москва мэри ўринбосари Анастасия Ракова ўзини мажбурий изоляция қилиш режими жорий қилиниши “ўз турмуш тарзини ўзгартиришни истамаган одамларнинг вазиятни етарлича англамаганлари натижаси” бўлганини айтган.

Тайёрлаган Шуҳрат Раҳимов

#Москва #жарима #изоляция

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.