Реанимацияга жойлаштирилган Борис Жонсоннинг ҳолати ҳақида маълум қилинди

Жонсон коронавирусга чалингани тўғрисида 27 март куни маълум қилганди. Ўшандан буён у ўз-ўзини изоляция қилган ва ишлашда давом этаётганди.

Фото: CNN

Буюк Британия бош вазири Борис Жонсоннинг ҳолати барқарор, у реанимация бўлимида шифокорлар кузатувида бўлиб турибди. Бу ҳақда ҳукумат девонхонаси вакили маълум қилди.

"Бош вазирнинг ҳолати барқарор, у интенсив даволаш палатасида қолмоқда. Унинг кайфияти яхши", - дейилади девонхона вакилининг баёнотида.

Аввалроқ унинг вазифасини бажариб турган мамлакат ташқи ишлар вазири Доминик Рааб коронавирусга чалинган Борис Жонсон касалликни енгишига умид билдирганди.

Борис Жонсон 3 апрель куни видеомурожаатида унда юқори ҳарорат сақланиб турганини айтди. 5 апрель куни Жонсон касалхонага ётқизилгани маълум қилинди. Эртаси куни эса Жонсоннинг аҳволи ёмонлашгани ва реанимация бўлимига жойлаштирилгани эълон қилинди.

#Борис Жонсон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.