Ўзбекистон 130,4 миллион долларлик автомобиллар импорт қилди
Давлат статистика қўмитаси маълумотларига кўра, январь-март ойларида Ўзбекистон 130,4 миллион долларлик автомобиллар импорт қилган.
Қайд этилишича, ўтган йилнинг шу даврига нисбатан ўзгариш суръати 22,6 фоизни ташкил қилган.
Шу билан бирга, январь-март ойларида 496,8 млн долларга аниқ соҳалар учун махсус мўлжалланган машиналар сотиб олинди.
Автомобилларнинг эҳтиёт қисмларига 239,9 млн доллар сарфланди. Саноат учун махсус бўлмаган машиналар ва уларнинг деталлари 299,3 млн долларга тушди.
Эслатиб ўтамиз, бундан олдин автомобиллар импорти 300 млн доллардан ошгани хабар қилинганди.
