Туркиялик олимлар коронавирусдан халос бўлишга ёрдам берувчи дори воситаси ишлаб чиқишди

Туркиялик олимлар коронавирусга чалинган беморларни даволашда қўллаш учун дори воситаси ишлаб чиқишди. Восита одамларда синовдан ўтказилишга тайёр.

Дори воситаси VSY Biotechnology компанияси ва Истанбулдаги тиббиёт фанлари университети томонидан ишлаб чиқилган.

Университет ректори Жавдат Эрдўлнинг таъкидлашича, дори лаборатория шароитларида самарали эканини кўрсатган ва энди унинг клиник синовларини ўтказиш лозим. “Биз коронавирусга чалинган кўнгиллиларда дорини синашга тайёрмиз”, деб айтган Эрдўл.

Бироқ мутахассисларга бундай синовларни бошлаш учун Туркия соғлиқни сақлаш вазирлиги рухсатини олиш керак бўлади.

Айни вақтда Туркияда коронавирусга чалинганлар сони 133 мингдан ошиб кетди, ундан 3641 киши вафот этган, 82 мингдан кўпроқ одам соғайган.

Тайёрлаган: Шуҳрат Раҳимов

#Туркия #коронавирус #дори воситаси

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.