Ла Лига. «Реал» Каталонияда ғалаба қозониб, биринчи ўринга қайтди

Испания Ла Лигаси 32-тури доирасида Мадриднинг «Реал» жамоаси Каталонияда «Эспаньол»га қарши майдонга тушиб, муҳим ғалабага эришди.

Учрашувнинг 45-дақиқасида Бенземанинг чиройли узатмасидан унумли фойдалаланган Каземиро ҳисобни очиб, якунда «Реал»га уч очко келтирувчи гол муаллифига айланди.

Натижада, очколари сонини 71тага етказган Зинеддин Зидан шогирдлари «Барселона»нинг «Сельта» билан ўйинда очко йўқотганидан (2:2) фойдаланиб, чемпионлик курашидаги фарқни иккита очкога етказиб қўйишди.

Ла Лига. 32-тур. 28 июнь

Эспаньол – Реал Мадрид 0:1

Гол: 0:1 – 45 Каземиро.
Эспаньол – Диего Лопес, Кабрера, Виктор Гомес, Эспиноса, Давид Лопес (Лосано, 84), Эмбарба (Кальери, 69), Дардер (Меламед, 69), У Лэй (Мелендо, 57), Рока, Дидак Вила (Педроса, 46), де Томас.
Реал Мадрид – Куртуа, Карвахаль, Варан, Марсело, Рамос, Каземиро, Кроос, Иско (Родриго, 64), Вальверде, Азар (Винисиус Жуниор, 63), Бензема.