Самарқанд вилоятига бош солиқчи тайинланди

Аловиддин Иноғомов Самарқанд вилояти давлат солиқ бошқармасига раҳбар этиб тайинланди, деб хабар бермоқда Kun.uz мухбири.

ДСҚ ахборот хизмати маълумотига кўра, Иноғомов Аловиддин Хусниддинович 1980 йилда Тошкент шаҳрида туғилган. У 2002 йилда Тошкент солиқ коллежини, 2009 йилда Тошкент молия институтини тамомлаган.

У бунга қадар Тошкент вилояти давлат солиқ бошқармаси бошлиғининг биринчи ўринбосари лавозимида ишлаб келаётган эди.

Бундан бир ой муқаддам, Элёр Толлиев Самарқанд шаҳар давлат солиқ инспекцияси бошлиғи этиб тайинланганди.

Самарқанд шаҳрига бош солиқчи тайинланди

#солиқ #Самарқанд вилояти #Аловиддин Иноғомов