Ўзбекистонда 100 мингта маҳаллий тест тизими фойдаланишга топширилди
Илғор технологиялар марказида коронавирусни аниқловчи 100 минг дона тест тизимини ўз ичига олган навбатдаги партия тайёрланди.
![](https://storage.kun.uz/source/6/Yiivv3LWl8XuktuqVjZsB672bLbh7lT6.jpg)
Инновацион ривожланиш вазирлиги ахборот хизмати хабар беришича, улардан 40 минг донаси Жиззах, Андижон ва Тошкент шаҳри санитария-эпидемиологик осойишталик марказлари лабораторияларига ҳамда республика санитария-эпидемиологик осойишталик агентлигига топширилди. Қолган 60 мингта тестни бошқа вилоятларга чиқариш режалаштирилган.
Маълум қилинишича, Илғор технологиялар маркази олимлари томонидан яратилган тест тизимини марказ стартапларидан бири бўлган «Biotest-LAB» томонидан оммавий ишлаб чиқариш йўлга қўйилган.
«Ҳозирги кунга келиб республикада тест топширишга кунлик 20 мингта талаб мавжуд. «Biotest-LAB» стартапи ҳар ҳафта 100 мингтагача тест тизимини ишлаб чиқариш қувватига эга.
«Biotest- SARS-CoV-2» реагентлар тўплами COVID-19’ни қўзғатувчи SARS-CoV-2’нинг РНКсини реал вақт режимида ПЗР усулида бурун-ҳалқум шиллиқ пардасида аниқлаш учун ишлаб чиқилган. Маҳаллий ПЗР тест тизимига реакцияларнинг сифатини текширувчи кўрсаткичлар ҳам киритилган. Бу экспресс-тест эмас, балки тўлақонли тест бўлиб, натижалар 5-6 соатдан кейин аниқ бўлади ҳамда фақат махсус лабораторияларда қўллаш мумкин», дейилади вазирлик ахборотида.
Аввалроқ Илғор технологиялар маркази биотехнологлари томонидан COVID-19 коронавирусини аниқлаш бўйича тест тизими ишлаб чиқилгани ва 50 мингта тест тизимини ишлаб чиқариш имконияти мавжудлиги маълум қилинган эди.
Мавзуга оид
![](https://storage.kun.uz/source/thumbnails/_medium/9/Qb8LVI0qf165vAzdNfAPaXlmvn7VteHj_medium.jpg)
12:27 / 24.11.2022
“Зиёли қатлам устидаги тажрибаларда эҳтиёткорлик лозим”. Мутахассислар – докторантура қабулидаги беқарорлик ҳақида
![](https://storage.kun.uz/source/thumbnails/_medium/9/cPZyKcDYmQ3_BqhijJ2l79aXXrm9lhnu_medium.jpg)
10:54 / 17.11.2022
Докторантурадаги алғов-далғов: имтиҳон натижалари бекор қилиниши ортида моддий манфаат ётибди(ми?)
![](https://storage.kun.uz/source/thumbnails/_medium/8/EGd3wyaBlOPwqsWSmhT57StArD5OtBvd_medium.jpg)
17:10 / 01.05.2022
Иброҳим Абдураҳмонов олий таълим муссасаларидаги янги проректорлик лавозими қандай натижа келтираётгани ҳақида гапирди
![](https://storage.kun.uz/source/thumbnails/_medium/8/xLOy1HE6RAaO5X_kzkZIGeVcXSroEa2c_medium.jpg)
20:04 / 19.01.2022