Ўзбекистон Мудофаа вазирлиги ҳарбийлари «Халқаро армия ўйинлари – 2020»га етиб борди

Халқаро армия ўйинларига кетиш тайёргарлиги Чирчиқ полигонида бўлиб ўтди.

Ўзбекистон Мудофаа вазирлиги ҳарбийлари «Халқаро армия ўйинлари – 2020»га етиб келди. Бу ҳақда “Ватанпарвар” газетаси мухбири Азиз Норқулов хабар берган.

Қайд этилишича, халқаро армия ўйинларига кетиш тайёргарлиги Чирчиқ полигонида бўлиб ўтди. Мудофаа вазири генерал-майор Баҳодир Қурбонов жамоанинг ҳар бир аъзоси билан алоҳида суҳбатлашди, йўл-йўриқлар кўрсатиб, омад тилади.

Москва шаҳрига етиб келган, халқаро армия ўйинларида фақат фахрли ўринларни эгаллашни мақсад қилган ҳарбий хизматчилар белгиланган ҳудудларга тақсимланди, дейилади маълумотда.