2020 йилнинг август ойида AKFA Medline тиббиёт маркази тиббий ёрдам сифати ва хавфсизлигининг халқаро стандартларига ўтиш бўйича сермашаққат жараённи тугатиб, дунёдаги энг нуфузли аккредитация ташкилоти ҳисобланган Халқаро Бирлашган Комиссия (Joint Commission International) стандартларининг аккредитациясини олди.
Ўзига хос бўлган ноёб AKFA Medline клиникаси ўз фаолиятини 2017 йилда Ўрта Осиёдаги йирик кўп тармоқли тиббиёт маркази сифатида бошлаган. Хизматларнинг мукаммал сифати сари интилишга асосланиб, атиги 2 йиллик фаолияти мобайнида клиника CERT International сертификацияси органидан ISO 9001:2015 ички халқаро сифат сертификатини олишга мушарраф бўлган.
2019 йили, Халқаро Бирлашган Комиссия (JCI) бош маслаҳатчисининг ташрифидан сўнг AKFA Medline клиникасининг раҳбари Мирзалиева Камола Куканбаевна томонидан стратегик яхшиланишлар режаси тузиб чиқилди, шундан сўнг барча кучлар шифокорлар ва бошқа ходимларни малакали тайёргарлигини такомиллаштиришга, ишлар 1597 асосий халқаро аккредитация сиёсати ва муолажаларига мувофиқ бўлиши учун технологик ва маъмурий инфратузилмани такомиллаштиришга йўналтирилди. Шуларнинг жумласида қуйидагилар ҳам мавжуд:
- 197 асосий стандартлар;
- 368 умумий стандартлар;
- 1032 қўшимча кўрсаткичлар.
Ушбу стандартлар тиббий хизмат кўрсатиш даражасини ошириш, пациентларга максимал тарзда хавфсиз ва самарали ёрдам кўрсатиш билан боғлиқ ва жаҳон соғлиқни сақлаш тизимида йирик тиббиёт компаниялари учун “олтин стандарт” ҳисобланади. JCI стандартлари энг мураккабларидан ҳисобланади, чунки нафақат тиббий қисмни, балки умуман клиниканинг бутун ишини, жумладан, харидлар жараёнини, ёнғинга қарши ва техник хавфсизликни, катта, ўрта ва кичик тиббий, ҳамда бошқарув ходимлари ишини қамраб олади.
Пациентга-қаратилганлик, узлуксиз ривожланиш ҳамда ҳам клиникага мурожаат қилганларга, ҳам бутун бошли ходимларга мукаммал қулай шароитларни яратиш AKFA Medline клиникасига биринчи уринишданоқ беш кунлик аудитдан ўтишга ва бенуқсон менежментдан, кўрсатилаётган тиббий хизматларнинг юқори сифатидан далолат берувчи ва тиббиёт марказини бутун дунёда тан олинган тиббиёт муассасалари даражасига чиқарувчи энг нуфузли сифат юлдузини олишга ёрдам берди.
