Қўшимча функционаллар
-
Тунги кўриниш
Тошкентда юк машинасининг тормоз тизими ишдан чиққани сабабли ЙТҲ юз берди
Фарғона йўли кўчасида юз берган юк транспорти иштирокидаги ЙТҲ ҳақида маълумот берилди.
Фото: ИИББ ахборот хизмати
Жорий йилнинг 14 август куни тахминан соат 18:30да Фарғона йўли ва Жарқўрғон кўчалари кесишмасида 28 ёшли М.А. “МАЗ” русумли юк автомобилини бошқариш давомида 57 ёшли Ҳ.Ж. бошқарувидаги, йўл четида носозлик сабабли тўхтаб турган Mazda русумли автомобилга келиб урилган.
Тошкент шаҳар ИИББ хабарида айтилишича, юк автомобили ҳайдовчисининг сўзларига кўра, ЙТҲга тормоз тизимининг ишдан чиққанлиги сабаб бўлган.
Инерция бўйича ҳаракатни давом эттирган юк автомобили ағдарилиб, светофорнинг тақиқловчи белгиси остида тўхтаб турган 34 ёшли С.А.нинг Spark автомобилига ва 52 ёшли Б.Х.нинг Nexia автомобилига урилган.
ЙТҲ натижасида Mazda автомобили йўловчиси 23 ёшли С.Ю. тан шикастлари билан шифохонага етказилди.
“Ҳурматли ҳайдовчилар! Эслатиб ўтамиз, йўл ҳаракати қоидаларига кўра, транспорт воситаси ҳайдовчиси йўлга чиқиш олдидан транспорт воситасининг техник ҳолатини текшириши, ҳаракат давомида транспорт воситасининг техник созлигини таъминлаши зарур”, - дейилади маълумотда.
Мавзуга оид
16:23 / 29.07.2024
Волгоград областида йўловчи поезд юк машина билан тўқнашди
15:50 / 27.07.2024
АҚШда 38 яшар ўзбекистонлик тракчи ЙТҲ туфайли вафот этди
13:07 / 27.07.2024
Қамчиқ довонида 3 та юк автомобили ва Mercedes-Benz Sprinter иштирокида ЙТҲ юз берди
07:35 / 27.07.2024