Самарқанд вилояти ҳокимига янги ўринбосар тайинланди

Самарқанд вилояти ҳокимининг қарори билан Хуршид Очилов вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари вазифасига тайинланди. 

Вилоят ҳокимлиги хабарига кўра, Хуршид Очилов ушбу тайинловга қадар вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари котибияти мудири вазифасида фаолият олиб борган.

У 2003-2004 йилларда Оқдарё туман Деҳқон ва фермер хўжаликлар уюшмаси ҳуқуқшунос-маслаҳатчиси, 2007-2008 йилларда Жиззах шаҳар Шукур Саъдулла номли 11-ўрта мактабда тарих фани ўқитувчиси, сўнг ҳарбий хизматда бўлган.

2008-2010 йилларда Республика Маънавият ва маърифат кенгаши Миллий ғоя ва мафкура илмий-амалий маркази етакчи мутахассиси, 2010-2011 йилларда Республика Маънавият ва маърифат кенгаши Миллий ғоя ва мафкура илмий-амалий маркази Ўқув бўлим бошлиғи, 2011-2012 йилларда Республика Маънавият ва маърифат кенгаши Миллий ғоя ва мафкура илмий-амалий маркази ахборот хизмати раҳбари сифатида ишлаган.

2012-2019 йилларда Ўзбекистон Республикаси Вазирлар Маҳкамаси Аппарати бошқарувчиси Котибиятининг инспектори бўлган. 2019 йилда Самарқанд вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари ўринбосари котибияти мудири сифатида иш бошлаган.