2021 йил ҳосили учун қишлоқ хўжалиги экинларини жойлаштиришнинг прогноз ҳажмлари тасдиқланади

Вазирлар Маҳкамасининг “Мавжуд ер майдонларидан самарали фойдаланиш, 2021 йил ҳосили учун қишлоқ хўжалиги экинларини оқилона жойлаштириш ва маҳсулот етиштиришнинг прогноз ҳажмлари тўғрисида”ги қарори лойиҳаси эълон қилинди.

Ўзбекистон Республикаси Қишлоқ хўжалиги вазирлиги, Иқтисодий тараққиёт ва камбағалликни қисқартириш вазирлиги, Сув хўжалиги вазирлиги, Инвестициялар ва ташқи савдо вазирлиги, Ўзбекистон фермер, деҳқон хўжаликлари ва томорқа ер эгалари кенгаши, фермер хўжаликлари, агрокластерлар (кооперациялар), Қорақалпоғистон Республикаси Вазирлар Кенгаши ҳамда вилоятлар ҳокимликларининг таклифлари асосида:

Қорақалпоғистон Республикаси ва вилоятларда 2021 йил ҳосили учун асосий майдонларга қишлоқ хўжалиги экинларини жойлаштиришнинг прогноз кўрсаткичлари;

Қорақалпоғистон Республикаси ва вилоятларда 2021 йилда асосий майдонлардан етиштириладиган қишлоқ хўжалиги маҳсулотлари прогноз кўрсаткичлари;

Қорақалпоғистон Республикаси ва вилоятларда 2019-2020 йилларда фойдаланишга киритилган ва ўзлаштирилган ер майдонларга 2021 йил ҳосили учун қишлоқ хўжалиги экинларини жойлаштириш кўрсаткичлари;

Қорақалпоғистон Республикаси ва вилоятларда 2021 йилда      2019-2020 йилларда фойдаланишга киритилган ва ўзлаштирилган майдонларда қишлоқ хўжалиги маҳсулотлари етиштиришнинг прогноз кўрсаткичлари;

Республиканинг лалми майдонларида 2021 йил ҳосили учун қишлоқ хўжалиги экинларини жойлаштиришнинг прогноз кўрсаткичлари;

Республиканинг лалми майдонларида 2021 йилда қишлоқ хўжалиги маҳсулотларини етиштиришнинг прогноз кўрсаткичлари;

2021 йил пахта ҳосили учун ғўзанинг районлашган ва истиқболли навларини жойлаштириш жадвали;

2021 йилда илгари белгиланган харид нархларига нисбатан рағбатлантирувчи коэффициент жорий этиладиган ғўзанинг селекцион навлари;

2021 йил пахта ҳосилини етиштиришнинг прогноз ҳажмлари;

2021 йил пахта ҳосили учун чигит экиш схемалари;

2021 йил пахта ҳосили учун суғурта уруғлик фондини ҳисобга олган ҳолда уруғлик пахта хомашёсини тозалаш ва уруғлик чигитни тайёрлаш ҳажмлари;

2021 йил пахта ҳосилини етиштириш учун талаб этиладиган моддий ресурслар ҳисоб-китоби;

Қорақалпоғистон Республикаси ва вилоятларда 2021 йил ҳосили учун асосий майдонларга сабзавот экинларини экиш муддатлари бўйича жойлаштиришнинг прогноз кўрсаткичлари;

Қорақалпоғистон Республикаси ва вилоятларда 2021 йилда асосий майдонларга экиладиган сабзавотлардан етиштириладиган маҳсулотларнинг прогноз кўрсаткичлари;

Қорақалпоғистон Республикаси ва вилоятларда 2021 йилда эртаки экинлардан ва ғалладан бўшайдиган майдонларга такрорий қишлоқ хўжалиги экинларини турлари бўйича жойлаштиришнинг прогноз кўрсаткичлари;

Қорақалпоғистон Республикаси ва вилоятларда 2021 йилда эртаки экинлардан ва ғалладан бўшайдиган майдонларда етиштириладиган қишлоқ хўжалиги маҳсулотларининг прогноз кўрсаткичлари;

Қорақалпоғистон Республикаси ва вилоятларда 2021 йил ҳосили учун боғ ва ток қатор ораларига қишлоқ хўжалиги экинларини жойлаштиришнинг прогноз кўрсаткичлари;

Қорақалпоғистон Республикаси ва вилоятларда 2021 йилда боғ ва ток қатор ораларидан етиштириладиган қишлоқ хўжалиги маҳсулотларининг прогноз кўрсаткичлари;

Қорақалпоғистон Республикаси ва вилоятларда 2020 йилда фойдаланишига киритиладиган ерларда шотут ва балх тут плантациялари ташкил этиш кўрсаткичлари;

Қорақалпоғистон Республикаси ва вилоятларда 2021 йилда асосий майдонларда, боғ ва ток қатор оралари ҳамда ғалладан бўшайдиган майдонларда қишлоқ хўжалиги маҳсулотларини етиштириш учун талаб этиладиган уруғлик, минерал ўғит ва ёқилғи-мойлаш материаллари ҳажмлари ва зарур маблағлар ҳисоб-китоби;

Қорақалпоғистон Республикаси ва вилоятларда 2021 йилда етиштириладиган қишлоқ хўжалиги маҳсулотларини реализация қилишнинг прогноз кўрсаткичлари тасдиқланади.

Қорақалпоғистон Республикаси Вазирлар Кенгаши ва вилоятлар ҳокимликлари Ўзбекистон Республикаси Қишлоқ хўжалиги вазирлиги, Сув хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши билан биргаликда:

ҳар бир ҳудуднинг ихтисослашуви, тупроқ-иқлим шароити, ерларнинг мелиоратив ҳолати, унумдорлиги, сув билан таъминланганлигини инобатга олган ҳолда қайта ишловчи, тайёрловчи ва экспорт қилувчи ташкилотларнинг талабларидан келиб чиққан ҳолда қишлоқ хўжалиги экинлари контурлар бўйича ўз вақтида тўлиқ экилишини, агротехник тадбирлар ўз вақтида ва сифатли ўтказилишини ташкил этади;

суғориладиган экин майдонларининг мелиоратив ҳолатини яхшилаш, шунингдек, асосий ва такрорий майдонларда экспорт талабларидан келиб чиқиб, қишлоқ хўжалиги экинларини жойлаштириш бўйича илмий асосланган алмашлаб экиш тизимини жорий этади.

Қорақалпоғистон Республикаси Вазирлар Кенгаши ва вилоятлар ҳокимликлари Ўзбекистон фермер, деҳқон хўжаликлари ва томорқа ер эгалари кенгаши, “Ўзтўқимачиликсаноат” уюшмаси, “Ўздонмаҳсулот” акциядорлик компанияси, Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги билан биргаликда:

икки ой муддатда маҳсулот етиштирувчилар билан тайёрлов, таъминотчи, қайта ишлаш ва экспорт қилувчи ташкилотлар, савдо харид ташкилотлари ўртасида маҳсулот етказиб бериш ва харид қилиш бўйича контрактация шартномаси тузиш ишларини якунланишини назоратга оладилар.

Ўзбекистон Республикаси Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши, Вазирлар Маҳкамаси ҳузуридаги Ўсимликлар карантини давлат инспекцияси ва Агросаноат мажмуи устидан назорат қилиш инспекцияси, Қорақалпоғистон Республикаси Вазирлар Кенгаши ва вилоятлар ҳокимликлари фермер хўжаликларига қишлоқ хўжалиги экинларининг серҳосил, тезпишар ва экспортбоп навларини танлашда кўмаклашадилар ва сифатли уруғликлар билан таъминлаш чораларини кўрадилар.

Қорақалпоғистон Республикаси Вазирлар Кенгаши ва вилоятлар ҳокимликлари, Боғдорчилик ва иссиқхона хўжалигини ривожлантириш агентлиги, академик М.Мирзаев номидаги боғдорчилик, узумчилик илмий-тадқиқот институти билан биргаликда:

2021 йилда интенсив мевали боғ ва токзорлар барпо этадиган фермер хўжаликлари ва қишлоқ хўжалик корхоналари талабидан келиб чиққан ҳолда мевали дарахт ва ток кўчатлари турлари рўйхати шакллантиради ва шартномалар асосида етказиб берилишини ташкил этадилар.

Ўзбекистон Республикаси Агросаноат мажмуи устидан назорат қилиш инспекцияси, Қорақалпоғистон Республикаси Вазирлар Кенгаши, вилоятлар ҳокимликлари билан биргаликда мазкур қарор билан белгиланган асосий ва такрорий майдонларга, боғ ва ток қатор ораларига экилган қишлоқ хўжалиги экинларини экиш мавсумининг якуни билан экинларни ўлчовдан ўтказади ва натижаси бўйича Вазирлар Маҳкамасига ахборот киритиб боради.

Ўзбекистон Республикаси Сув хўжалиги вазирлиги Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда вегетация даврида ажратилган сув лимитлари доирасида қишлоқ хўжалиги экинлари турларининг сувга бўлган талабидан келиб чиққан ҳолда суғориш графиклари асосида ўз вақтида сув билан тўлиқ таъминлайди.

“Ўзкимёсаноат” акциядорлик жамияти, “Ўзбекнефтгаз” акциядорлик жамияти Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда:

фермер хўжаликлари, агрокластерлар, қишлоқ хўжалиги кооперациялари ва бошқа қишлоқ хўжалиги ташкилотларининг белгиланган экин майдонларига минерал ўғит ва ёқилғи-мойлаш материалларини белгиланган тартибда биржа савдолари орқали етказиб беришни;

асосий ва такрорий майдонларга, боғ-ток қатор ораларига экилган қишлоқ хўжалиги экинлари, боғ ва токзорларни касаллик, зараркунанда ва бегона ўтлардан ҳимоя қилиш учун зарур кимёвий препаратлар захираси яратилишини ва агрокимё хизматлари кўрсатилишини ташкил этадилар.

Ўзбекистон Республикаси Давлат божхона қўмитаси, Ўзбекистон Республикаси Вазирлар Маҳкамаси ҳузуридаги агросаноат мажмуи устидан назорат қилиш инспекцияси:

Республика ҳудудига четдан олиб кирилаётган қишлоқ хўжалиги экинлари уруғлари ва кўчатлари ҳақидаги маълумотларни;

асосий ва такрорий майдонларга, боғ ва ток қатор ораларига экиш учун сарфланадиган қишлоқ хўжалиги экинлари уруғларини миқдори ва сифати бўйича маълумотларни Ўзбекистон Республикаси Қишлоқ хўжалиги вазирлигига даврий равишда тақдим этиб боради.

Қишлоқ хўжалиги вазирлиги тегишли илмий-тадқиқот институтларини жалб қилган ҳолда қишлоқ хўжалиги экинларини экиш муддатларида дала шароитида кўргазмали семинарлар ўтказиш ва ресурс тежовчи инновацион технологиялар асосида агротехник тадбирларни ўтказиш бўйича тавсиялар ишлаб чиқиб, фермер хўжаликларига етказилишини таъминлайдилар.

Ўзбекистон Республикаси Қишлоқ хўжалиги вазирлиги ва Сув хўжалиги вазирлигига қишлоқ хўжалиги экинларини етиштиришда сув тежовчи суғориш технологияларини жорий қилган фермер хўжаликлари, агрокластерлар, қишлоқ хўжалиги кооперациялари ва бошқа қишлоқ хўжалиги ташкилотларига Ўзбекистон Республикаси Президентининг 2019 йил 25 октябрдаги “Қишлоқ хўжалигида сув тежовчи технологияларни жорий этишни рағбатлантириш механизмларини кенгайтириш чора-тадбирлари тўғрисида”ги ПҚ-4499-сонли қарорида назарда тутилган субсидияларнинг белгиланган тартибда ажратилишини ҳамда тўловларни ўз вақтида амалга оширилишини таъминлаш бўйича шахсий масъулият юклатилади.

Ўзбекистон Республикаси Молия вазирлиги Давлат бюджети параметрлари асосида сув тежовчи суғориш технологияларини жорий этиш бўйича харажатларнинг бир қисмини қоплашга ажратилган маблағларни белгиланган тартибда:

Ўзбекистон Республикаси Қишлоқ хўжалиги вазирлигига, шунингдек, унинг ҳузуридаги Боғдорчилик ва иссиқхона хўжалигини ривожлантириш агентлигига;

пахта хом ашёси етиштириш мақсадида томчилатиб суғориш технологиясини жорий этиш бўйича харажатларнинг бир қисмини қоплаш учун эса Ўзбекистон Республикаси Сув хўжалиги вазирлигига ўтказилишини таъминлайди.