«Биз америкалик ишчи биринчи ўринда туриши учун қонун доирасида қўлимиздан келган барча ишни қилишимиз лозим”, деб айтган Вольф.
Ўзгаришларга кўра, хорижий ишчиларни ёллашдаги “махсус касблар” сони қисқартирилади. Бундан ташқари, компаниялар америкаликларга ишга жойлашиш бўйича “реал” таклифлар бериши лозим. Визанинг амал қилиш муддати эса бир йил билан чекланган.
Янги қоидалардан баъзилари 8 октябрданоқ, қолганлари эса АҚШ ҳукуматининг расмий ҳужжатлари тўпламида эълон қилингандан 60 кун ўтиб кучга киради. Мутахассисларнинг таъкидлашича, янги қоидалар АҚШда ишчи визалар билан қолаётган хорижликларнинг учдан бир қисмини қамраб олади.
Июнь ойида АҚШ президенти Дональд Трамп иммигрантларнинг бир қатор визалар, жумладан H-1B визаси бўйича АҚШга киришини чеклаганди. Оқ уй маъмуриятида таъкидланганидек, ушбу чора ишсиз америкаликлар учун иш ўринларини сақлаб қолишга қаратилган. Бироқ октябрда Сан-Франциско суди Трампнинг бу фармонини қисман блоклаган.
