Лондон суди Ассанж АҚШга экстрадиция қилинмаслиги тўғрисида ҳукм чиқарди

Фото: Peter Nicholls/File Photo / Reuters

Лондон суди WikiLeaks асосчиси Жулиан Ассанжнинг ҳаётига хавф пайдо бўлиши мумкинлиги боис унинг АҚШга экстрадиция қилинмаслиги тўғрисида ҳукм чиқарди. Бу ҳақда Вестминстер магистрат суди судяси Ванесса Барайтсер эълон қилди. Мазкур иш унинг раислигида Лондон марказий судида кўриб чиқилди.

Судя Ассанж аутизм ва клиник тушкунликдан азият чекаётганлиги ҳамда ўз жонига суиқасд қилишга мойиллигини эътироф этди. Унинг сўзларига кўра, АҚШда бир кишилик камерада ҳибсда сақланиш оқибатида Ассанжнинг соғлиги жиддий ёмонлашиши мумкин. Шундай қилиб, гумондорнинг ҳаёти хавф остида эканлиги унинг АҚШга топширилиши рад этилишига асос бўлди.

Ассанжнинг адвокати унинг гаров эвазига озодликка чиқарилишини талаб қилишини айтди.

Америка адлия вазирлиги Жулиан Ассанжга қарши 18та айблов эълон қилган. У мазкур айбловлар асосида 175 йилгача озодликдан маҳрум этилиши мумкин.

Тайёрлаган Дилшод Аскаров

#суд #Жулиан Ассанж

Журналист, WikiLeaks сайти асосчиси Жулиан Ассанж жосуслик можаролари ҳақидаги ўта махфий материалларни эълон қилиб келган. 2010 йилда Швецияда уни ҳибсга олиш учун ордер берилди. 2012 йилда Ассанж Эквадорнинг Лондондаги элчихонасига яширинди ва ушбу давлат раҳбариятидан сиёсий бошпана сўради. У етти йил давомида элчихонада яшади, 2019 йил 11 апрель куни Эквадор унга бошпана бўйи