Сирдарё вилояти ҳокими аҳолини ёлғон миш-мишларга ишонмасликка ва саросимага тушмасликка чақирди

2021 йил 14 январь куни ярим тунда ижтимоий тармоқлар орқали Тожикистон ҳудудида жойлашган Қайроққум сув омборининг ёрилиши натижасида сув тошқини содир бўлганлиги тўғрисида ёлғон хабарлар тарқалди.

Фото: Сирдарё вилояти ҳокимлиги ахборот хизмати

Бу хабар тошқиндан зарар кўрган Сардоба, Мирзаобод, Оқолтин каби туманларда жиддий ваҳима уйғотган. Айримлар ўз яшаш ҳудудини тарк этишга ошиққан ҳолатлар ҳам бўлди.

Сирдарё вилояти ҳокимлиги ахборот хизмати хабарига кўра, бундан хабар топган вилоят ҳокими туманларга етиб борган.

Ғофуржон Мирзаев бу каби хабар тарқалишига ҳеч қандай асослар мавжуд эмаслигини билдирди. Ҳоким аҳолини ёлғон миш-мишларга ишонмасликка ва саросимага тушмасликка чақирди.

ФВВ: Тожикистондаги Қайроққум сув омборига шикаст етгани ҳақидаги хабарлар ёлғон