Москвадаги Қизил майдонга ташриф буюрувчиларнинг кириши вақтинча тақиқланди. Бу ҳақда «Эхо Москви» радиостанциянинг Twitter-аккаунтида хабар қилинмоқда.
«Қизил майдонга кириш ёпилди, атрофда жуда кўп полиция ва куч тузилмалари машиналари турибди», — дейилади хабарда.
РИА Новостининг федерал қўриқлаш хизмати вакилларига таяниб хабар қилишича, ушбу чора ҳуқуқни муҳофаза қилиш органлари сўровига асосан амалга оширилди.
2 феврал куни полиция талаби билан Москва шаҳар суди атрофидаги бир нечта кўчаларда ҳаракатланиш чекланди. Ушбу чора мухолифатчи Алексей Навалний устидан ўтказилаётган суд мажлиси фонида қабул қилинди.
