Европарламент Беларус АЭСи фаолияти тўхтатилишини талаб қилди
Евродепутатлар АЭС ЕИ ва МАГАТЭ экспертларининг тавсиялари тўлиқ бажарилмасдан туриб электр энергияси ишлаб чиқаришни бошлаганини таъкидлаган.
Европарламент Беларус АЭСи фаолияти тўхтатилишини талаб қилди. ЕПнинг Брюсселда бўлиб ўтган сессиясида тегишли резолюция қабул қилинди.
Хабар берилишича, ҳужжатни 642 нафар депутат қўллаб-қувватлаган, 29 депутат қарши овоз берган ва 21 нафари бетараф қолган.
"Европарламент депутатлари Островцадаги Беларус атом электр станциясининг хавфсизлиги борасидаги жиддий хавотирлар сабабли унинг фаолияти тўхтатилишини талаб қилади", – дейилади тавсиявий тусдаги резолюцияда.
Евродепутатлар АЭС ЕИ ва МАГАТЭ экспертларининг тавсиялари тўлиқ бажарилмасдан туриб электр энергияси ишлаб чиқаришни бошлаганини таъкидлаган.
БелАЭСнинг биринчи блоки ўтган йилнинг 3 ноябр куни Беларус ягона энергия тизимига уланган, 7 ноябрда унинг расмий очилиш маросими бўлиб ўтганди.
9 ноябр куни АЭС электр энергияси ишлаб чиқаришни тўхтатди. Бунга техник тусдаги муаммолар сабаб бўлган. Хабарларда айтилишича, кучланиш трансформатори ишдан чиққан.
Мавзуга оид
19:19 / 23.10.2024
Беларусда президентлик сайлови санаси белгиланди
11:40 / 19.10.2024
Японияда биринчи марта 50 йилдан ортиқ ишлаётган АЭС реактори фаолиятига рухсат берилди
20:20 / 16.10.2024
АЭС дирекцияси раҳбари: Ишлатилган ядро ёқилғиси Россияга олиб кетилади
15:00 / 14.10.2024