Ветеринария илмий-тадқиқот институти олимлари чорва ҳайвонларининг туберкулёз (сил) касаллигини тезкор аниқловчи антиген ихтиро қилди.
Ветеринария ва чорвачиликни ривожлантириш давлат қўмитасидан маълум қилишларича, янги ихтиро қилинган антигенни кенг кўламда ишлаб чиқариш йўлга қўйилган.
«Тадқиқот устида иш олиб борган олимлар жамоасининг фикрича, ўтган йилнинг август ойида Тошкент вилоятининг чорвачилик хўжаликларида мазкур антигеннинг клиник синовлари ўтказилган ва 98,2 фоиз самарадор экани исботланган.
Айни пайтда мазкур антигенни кенг кўламда ишлаб чиқариш учун ветеринария дори воситаларини ишлаб чиқарувчи «BIOVET» МЧЖ ва Ветеринария илмий тадқиқот институти ўртасида 111 миллион сўм қийматидаги шартнома имзоланган.
Таъкидлаб ўтамиз, ўзбек олимлари томонидан ихтиро қилинган мазкур антиген чорва хайвонларининг туберкулёз (сил) касаллиги қўзғатувчисини бугун дунё бўйлаб ишлатилаётган шу турдаги воситалардан икки баробар тез ва юқори сифатда аниқлаши тасдиқланган», – дейилади хабарда.
