Microsoft компанияси хитойлик ҳакерлар гуруҳини ўзининг почта серверларига ҳужум қилишда айблади. Бу ҳақда ВВС хабар бермоқда.
Компаниянинг таъкидлашича, ҳакерлар "катта эҳтимол билан" давлат томонидан молиялаштириладиган Hafnium гуруҳи аъзолари бўлган.
Ҳакерлар Microsoft дастурий таъминотидаги нуқсонлардан фойдаланиб почта манзилларига кирган.
Қўшимча қилинишича, Hafnium юқумли касалликлар тадқиқотчилари, юридик фирмалар, олий таълим муассасалари, мудофаа соҳасидаги пудратчилар ҳамда сиёсий таҳлил марказлари ва ноҳукумат ташкилотларга киберҳужум уюштирган.
