Тошкентдан Москвага мунтазам авиарейслар қайта йўлга қўйилади

2021 йилнинг апрел ойидан бошлаб, Тошкент - Москва - Тошкент йўналиши бўйича мунтазам авиақатновлар қайта жорий этилади. Бу ҳақда Uzbekistan Airways матбуот хизмати хабар берди.

Фото: KUN.UZ

Хабарда маълум қилинишича, парвозлар ҳар ҳафтанинг шанба кунлари амалга оширилади.

Мазкур йўналиш бўйича учишни бошлаш учун Россияга парвоздан аввал 3 календар кунидан ошмаган манфий натижали ПЗР тести маълумотномаси талаб этилади.

Рейсларда Ўзбекистон Республикасининг барча фуқаролари ва Россияга киришга чеклов қўйилмаган Ўзбекистонда доимий яшаш ҳуқуқига эга чет эл фуқаролари учиши мумкин.

Эслатиб ўтамиз, аввалроқ РФ ҳукуматининг 31 март куни қабул қилинган фармойишига кўра, ўзбекистонлик талабаларга Россияга киришга рухсат берилган эди.

#авиарейс

Kun.uz янгиликларини Google News'да кузатинг

+ Обуна бўлиш