Бухоро вилояти Вобкент туманида «E-IJRO AUKSION» орқали сотиб олинган ер ҳужжатларини расмийлаштириш учун фирибгарлик қилган мутасадди ушланган. Бу ҳақда Бош прокуратура ҳузуридаги иқтисодий жиноятларга қарши курашиш департаменти хабар бермоқда.

Маълум қилинишича, Департаментнинг Вобкент туман бўлими томонидан ўтказилган тезкор тадбирда, «Ермулккадастр» давлат корхонаси Вобкент туман филиали «Бир ойна» бўлими бошлиғи Ж.Г. ушланган.

Қайд этилишича, у фуқаро Р.дан «E-IJRO AUKSION» электрон онлайн-аукцион орқали сотиб олган 2,6 сотих ерга ҳужжатларни расмийлаштириб бериш эвазига 300 АҚШ доллари сўраган. Ж.Г. сўраган пулидан 100 долларини фирибгарлик йўли билан олган вақтда ашёвий далиллар билан ушланган.

Таъкидланишича, мазкур ҳолат юзасидан Ж.Г.га нисбатан жиноят кодексининг 168-моддаси (фирибгарлик) билан жиноят иши қўзғатилиб, терговга ҳаракатлари ўтказилмоқда.

Бухорода тадбиркордан 23,6 млн сўм пулини ҳисобига ўтказиб бериш эвазига 2,3 млн сўм олган мансабдор ушланди

Нукусда автосервисга ер ажратиб бериш учун пора олаётган собиқ мутахассис қўлга олинди