Марғилон шаҳрида ўзганинг хонадонидан 60 миллион сўм пулни ўғирлаб кетган аёл ушланди.
Вилоят ИИБ Ахборот хизматининг маълум қилишича, 1 июнь куни “Дўстлик” МФЙда яшовчи Ю.Г. исмли аёл ИИБга мурожаат қилиб, номаълум шахс унинг яшаш хонадонига кириб, ётоқхонасидан 60 миллион сўм пулни ўғирлаб кетганини билдирган.
Олиб борилган тезкор қидирув ҳаракатлари давомида эса ушбу жиноятни Д.А. исмли аёл содир этгани аниқланиб, қўлга олинган ва жиноят иши очилган.
Аввалроқ қайнонасининг пластик картасидаги пулларини ўғирлаган куёв жавобгарликка тортилгани ҳақида хабар берилган эди.