Францияда Google 220 миллион евро жаримага тортилди

Аввалроқ Италияда Google бозордаги устунликни суиистеъмол қилгани учун 102 млн евро жаримага тортилганди.

Фото: globallookpress

Франция антимонополия регулятори Google компаниясига 220 миллион евро жарима солди.

"Антимонополия органи Google компаниясига онлайн-реклама бозорида ўз хизматларини илгари сургани учун 220 миллион евро жарима белгилади", - дейилади монополияга қарши курашиш органи хабарида.

Аввалроқ Италияда Google бозордаги устунликни суиистеъмол қилгани учун 102 млн евро жаримага тортилганди.

Market Watch агентлигининг маълумот беришича, Google компаниясига эгалик қилувчи Alphabet ҳолдинги капитализацияси 1,622 триллион долларни ташкил этган.

Google компаниясига Android ва YouTube, Google Life Sciences, Calico, Sidewalk Labs, Nest, Google Ventures, Google Capital ва Google X кабилар тегишли бўлиб, ходимлари сони 103 мингдан ошади.