Андижонда юк машинаси ёниб кетди
Андижон вилояти Пахтаобод туманида юк машинаси ёниб кетган. Бу ҳақда ИИВ ЙҲХББ хабар бермоқда.
Маълум қилинишича, бугун, 9 июнь куни соат 10:50 ларда, ҳайдовчи У.А. «ГАЗ-53» русумли юк машинасида Андижон вилояти, Пахтаобод тумани, Серсув кўчасида ҳаракатланиб кетаётганда двигатель қисмида қисқа туташув келиб чиққан. Ҳайдовчи ҳодисани пайқаб, машинани тўхтатган. Шундан сўнг, машинада ёнғин келиб чиққан.
Қайд этилишича, ёнғин ўт ўчирувчилар томонидан бартараф этилган. Ҳодисада ҳеч ким тан жароҳати олмаган. Ёнғин оқибатида юк машинасининг двигателига жиддий зарар етган. Унинг салон қисмлари тўлиқ ёниб кетган.
Таъкидланишича, мазкур ҳодиса юзасидан Пахтаобод тумани ФВБ ва ЙҲХБ ходимлари томонидан суриштирув ҳаракатлари олиб борилиб, ёнғин юзага келиш сабаблари ўрганилмоқда.
Мавзуга оид
17:20 / 16.10.2024
Андижондаги ЙТҲда икки киши ҳалок бўлди
19:56 / 15.10.2024
Қадимий олтин тангаларнинг ноқонуний савдосига чек қўйилди
12:00 / 03.10.2024
Андижондаги корхонада ёнғин содир бўлди
11:20 / 10.09.2024