Адлия вазирлиги бу йил қайси олий таълим муассасалари филиаллари ва қандай янги йўналишлар очилиши тўғрисида маълумот берди.
Вазирлик маълумотига кўра, 2021/2022 ўқув йилида:
- Мирзо Улуғбек номидаги Ўзбекистон Миллий университетида Гидрометеорология факультети ташкил этилади;
- Тошкент вилоятида Тошкент ахборот технологиялари университети филиали ташкил этилади;
- Тошкент давлат аграр университетининг Нукус филиали негизида Қорақалпоғистон қишлоқ хўжалиги ва агротехнологиялар институти ташкил этилади;
- Ўзбекистон давлат консерваториясининг Нукус филиалида ўқув жараёни бошланади;
- “Ипак йўли” туризм халқаро университети, Тошкент давлат иқтисодиёт университети, Бухоро ва Термиз давлат университетларида “зиёрат туризми”, “транспорт логистикаси” ва “ижодий саноат” (creative industry) магистратура мутахассисликларида кадрлар тайёрлаш тизими йўлга қўйилади;
- Андижон иқтисодиёт ва қурилиш институти ўз фаолиятини бошлайди;
- Тошкент архитектура-қурилиш институти ва Самарқанд давлат архитектура-қурилиш институтида маданий мерос объектларини асраш факультетлари очилади.
