Сурхондарёда карантин қоидалари кучайтирилди

Сурхондарёда охирги хафтада коронавирус билан боғлиқ вазият ёмонлашан. Шу сабабли Сурхондарё вилояти ҳокими Тўра Боболов 18 июн куни йиғилиш ўтказиб, карантин қоидалари кучайтирилиши масаласини кўриб чиққан.

Kun.uz'га маълум қилинишича, маъсулларга касалхоналардаги ўринларни шай ҳолатга келтириш, кислород баллонлари, дори-дармон заҳирасини кўпайтириш юзасидан топшириқлар берилган.

Мажлисда умумий овқатланиш жойлари, парклар, кўнгилочар жойлар фаолиятини тўхтатиш, тўй-маъракаларни чеклаш таклиф қилинган. Бу таклиф қўллаб-қувватланмаган.

ИИБ зиммасига фуқароларни ижтимоий масофани сақлашини назоратга олиш вазифаси юклатилган.

ИИБ ходимлари кўча ва бозорларда фуқаролардан ниқоб тақишни талаб қилмоқда.

#Сурхондарё #карантин