Қўшимча функционаллар
-
Тунги кўриниш
Толиблар билан жанглардан сўнг мингдан ортиқ афғон ҳарбийлари Тожикистон ҳудудига чекинишга мажбур бўлди
Толиблар Бадахшон вилоятидаги Хохон, Шикай, Нусай, Моҳимай, Шугнон ва Султон Ишкашим туманларини тўлалигича ўз назоратига олган.
5 июлга ўтар кечаси «Толибон» ҳаракати жангарилари билан жанглардан сўнг мингдан ортиқ афғон ҳарбийлари Тожикистон ҳудудига чекинишга мажбур бўлди. Бу ҳақда Тожикистон давлат миллий хавфсизлик қўмитаси чегара қўшинлари матбуот хизматига таяниб «Ҳовар» агентлиги хабар берди.
Маълумот берилишича, толиблар Бадахшон вилоятидаги Хохон, Шикай, Нусай, Моҳимай, Шугнон ва Султон Ишкашим туманларини тўлалигича ўз назоратига олган.
Толиблар билан жанглар натижасида Афғонистон ҳукуматининг 1037 нафар ҳарбий хизматчиси Тожикистон ҳудудига чекинишга мажбур бўлган.
Илгари Тожикистон ҳудудига ўтган ҳарбийларни қўшиб ҳисоблаганда, мамлакатдаги афғонистонлик ҳарбийлар сони 1500га яқинлашди.
Аввалроқ Тожикистон чегарачилари «Толибон» ҳаракати билан жанглардан сўнг чекинишга мажбур бўлган 300 нафардан ортиқ афғон ҳарбий хизматчиларини республика ҳудудига киритгани хабар қилинганди.
АҚШнинг Афғонистондан кетиши
Мавзуга оид
13:25
Ўзбекистон–Афғонистон чегарасидаги қамишзорлар режали равишда ёқилмоқда
11:28 / 24.03.2026
Афғонистондан картошка кўринишида олиб ўтилаётган 72 кг гашиш фош қилинди
00:32 / 19.03.2026
Афғонистон ва Покистон Рамазон ҳайити муносабати билан ўзаро жангларни вақтинча тўхтатди
15:18 / 18.03.2026