Сурхондарё вилояти Денов туманида Malibu машинасини олиб бераман, деб фуқаронинг пулини ўзлаштирган шахсга жиноий иш қўзғатилган. Бу ҳақда вилоят ИИБ хабар бермоқда.
Маълум қилинишича, 2021 йилнинг 3 июнь куни, Қумқўрғон тумани Оқсой маҳалласида яшовчи, Й.Муҳайё Денов тумани ИИБга ариза билан мурожаат қилган. У мурожаатида 2021 йил 25 май куни Денов тумани Саноатчилик маҳалласида яшовчи, Э.Ўткир унинг ишончига кириб, Malibu машинасини олиб беришини айтиб, 362 миллион сўм пулни олиб, ўзлаштириб кетганини билдирган.
Қайд этилишича, 2 июль куни Денов тумани ИИБ томонидан Э.Ўткирга нисбатан Жиноят кодексининг 168-моддаси 4-қисми «а» банди билан жиноят иши қўзғатилган.
