Украина авиакомпанияси Самарқандга янги рейс очмоқда

Украинанинг «Bees Airline» авиакомпанияси Киев – Самарқанд рейсини йўлга қўймоқда. Бу ҳақда авиакомпания сайтида маълум қилинган.

Қайд этилишича, жорий йил 30 августдан бошлаб Украинанинг «Bees Airline» лоукостер авиакомпанияси Киев – Самарқанд – Киев йўналиши бўйича тўғридан тўғри рейсларни йўлга қўяди.

Парвозлар Boeing 737-800 самолётларида ҳафтада бир марта – душанба куни амалга оширилади.

 Киев – Самарқанд

• учиш соат 15:35 да, қўниш соат 22:05 да;

 Самарқанд – Киев

•  учиш соат 23:05 да, қўниш соат 02:35 да. (Киев вақти билан)

Киев - Самарқанд йўналиши бўйича авиачипталар нархи 4261 гривнадан (159 доллар) бошланади.

 Самарқанд – Киев йўналиши бўйича авиачипта нархи 5 333 гривнадан (199 доллар) бошланади.

«Bees Airline» авиакомпанияси 2019 йилда ташкил этилган. Aвиакомпаниянинг илк парвози Мисрга 2021 йил 18 мартда амалга оширилган.