Сурхондарё вилоятида яшовчи фуқаронинг 11 минг доллар пулини ўзлаштирган шахсга жиноий иш қўзғатилган. Бу ҳақда Коррупцияга қарши курашиш агентлиги матбуот хизмати хабар бермоқда.
Маълум қилинишича, Сурхондарё вилоятида яшовчи фуқаро Х.А. Коррупцияга қарши курашиш агентлигига мурожаат қилган. У мурожаатида, таниши М.Мўминов Коррупцияга қарши курашиш агентлигида ишлашини айтиб, унга уй-жой олиб беришни ваъда қилиб 11 минг АҚШ доллари миқдоридаги маблағини фирибгарлик йўли билан ўзлаштириб олганини баён қилган.
Агентликнинг шахсий хавфсизлик бўлими томонидан мазкур ҳолат бўйича ўрганиш ўтказилиб, тақдим қилинган ҳужжатлар асосида Яккасарой туман ИИБ томонидан фуқаро М.Мўминовга нисбатан Жиноят кодексининг 168-моддаси билан жиноят иши қўзғатилган.
