«Толибон» АҚШ ҳарбий техникаларини Эронга жўнатди

Қайд этилишича, гувоҳлар танклар ва армия автомобилларини Эроннинг Гармсар шаҳри яқинида кўришган.

«Толибон» ҳаракати илгари Афғонистон собиқ ҳукумати қўшинларига тегишли бўлган Америка ҳарбий техникасини Эронга жўнатди, деб ёзмоқда Iran International нашри.

Қайд этилишича, гап танклар ва армия автомобиллари (Humvees) ҳақида бормоқда. Гувоҳлар ушбу техникаларни Эроннинг Гармсар шаҳри яқинида кўришган.

Агар Эрон Афғонистон армиясига берилган АҚШ ҳарбий техникаларини олиш учун «Толибон» билан келишувга эришса, бу Қўшма Штатлар устидан йирик ғалаба бўлади, деб ёзади нашр.

Эрон ҳукумати ҳозирча бу хабарга ҳеч қандай изоҳ бермади.

Аввалроқ АҚШ собиқ президенти Доналд Трампнинг ўғли «Толибон» Американинг 85 млрд долларлик ҳарбий қурилма ва қуролларини қўлга киритганини айтганди.