Тошкент давлат юридик университети (ТДЮУ) — Ўзбекистонда юридик кадрларни тайёрлаш ва қайта тайёрлаш бўйича асосий олий ўқув ва илмий-услубий муассаса. ТДЮУ 30 йилдан ортиқ вақт давомида юридик таълим соҳасида етакчи ўринларни эгаллаб келмоқда ва унинг флагмани бўлиб ҳисобланади.
Халқаро эътироф ортиб бораётгани сабабли ТДЮУ 2020 йилдан бошлаб хорижий ҳамкорлар билан икки дипломли бакалавр дастурларини амалга оширмоқда.
Қўшма таълим (икки дипломли) дастурлари нима?
Қўшма таълим (икки дипломли) дастури – бу:
- бир вақтнинг ўзида ТДЮУ ва хорижий ОТМда дунё даражасидаги билим олиш имконини берувчи таълим олиш дастури;
- битирувчилар учун Ўзбекистонда ва хорижда юрист бўлиб ишлаш ҳуқуқини берувчи иккита диплом
ТДЮУ қўшма таълим (икки дипломли) дастурларини Вазирлар Маҳкамасининг 2021 йил 6 июндаги 421-сон қарори асосида амалга оширади. Икки дипломли дастурларини ташкил қилиш Ўзбекистон Республикаси Адлия вазирлиги ва Ўзбекистон Республикаси Олий ва ўрта махсус таълим вазирлиги билан келишилган.
ТДЮУ қайси хорижий ОТМлар билан икки дипломли дастурларни амалга оширади?
ТДЮУ чет эллик шерикларни танлашга эҳтиёткорлик билан ёндашади ва МДҲнинг учта етакчи олий ўқув юртлари билан икки босқичли дастурларни амалга оширади.
1. М.С.Нарикбаев номидаги КАЗГЮ университети (Қозоғистон, Нур-Султон ш.);
Университет ФИИБА халқаро агентлиги томонидан аккредитациядан ўтган бўлиб, бу ТДЮУ билан ҳам икки дипломли дастурни қамраб олади. Қолаверса, битирувчиларни ишга жойлаштириш бўйича КазГЮ ўз мамлакатида биринчи ўринда туради. Иш берувчиларнинг ишончи — Қозоғистондаги 80 дан ортиқ олий ўқув юртлари юристлар тайёрлаган пайтда, юқори рақобат шароитида таълим сифатининг энг яхши кўрсаткичидир.
2. Й.Купала номидаги Гродно давлат университети (Беларус, Гродно ш.);
QS EECA Ranking рейтингига кўра, университет Eвропа ва Марказий Осиёнинг ТОП-200 университетлари рўйхатига киритилган.
Н.И. Лобачевский номидаги Нижний Новгород Миллий тадқиқот давлат университети (Россия, Нижний Новгород ш.).
Университет QS World University Rankings рейтингига кўра дунёдаги ТОП-1000 университетлар рўйхатига киритилган.
ТДЮУнинг икки дипломли дастурлари бўйича қандай қабул квоталари ўрнатилган
2021/2022 ўқув йилида Тошкент давлат юридик университети халқаро ҳуқуқ соҳасида 3 та қўшма таълим дастурлари бўйича талабаларни ўқишга қабул қилади. (таълим тили – рус):
Ҳужжатлар фақат онлайн тарзда qabul2021.tsul.uz pлатформаси орқали 2021 йил 1 октябрга қадар қабул қилинади.
Ҳужжатларни топширишдан олдин албатта йўриқнома билан танишинг.
ТДЮУнинг икки дипломли дастурларига кириш имтиҳонлари қандай ўтказилади?
Кириш имтиҳонлари 2-босқичда ўтказилади.
1-босқичда:
- КАЗГЮ ва ГрДУ дастурлари бўйича – мустақил, танқидий фикрлаш ва инглиз тилини билиш даражасини аниқлаш учун суҳбат ўтказилади;
- ННДУ дастури бўйича – “Россия тарихи” ва “Жамиятшунослик” фанларидан тест ўтказилади.
2-босқичда барча дастурлар бўйича ДТМ томонидан рус тили бўйича тест ўтказилади.
Дастурдан қатъи назар:
- 1-босқич имтиҳонларида максимал баллнинг камида 30 фоизини тўплаган абитуриентлар 2-босқичга қўйилади;
- 2-босқич тестида максимал баллнинг камида 40%ини олган абитуриентлар дастурга кириш учун танловда қатнашадилар ва кириш параметрлари асосида ўқишга қабул қилинадилар.
- рус тилини камида Б1 даражасида билиш ҳақида миллий ёки унга тенглаштирилган халқаро сертификатга эга бўлган абитуриентлар 2-босқич тестидан озод қилиниб, уларга ушбу босқич учун максимал балл берилади.
Имтиҳонлар ўтказиладиган сана, вақт ва жой ҳақида қўшимча эълон берилади.
ТДЮУнинг қабул комиссияси билан қандай боғланиш мумкин?
ТДЮУнинг икки босқичли дастурлари ҳақидаги барча керакли маълумотларни тезкор олиш учун ижтимоий тармоқлардаги махсус каналларга аъзо бўлинг:
Telegram – @DDprograms;
Facebook –fb.com/ddprogramс;
Instagram – instagram.com/ddprogramс.
Шунингдек, маълумотларни ТДЮУнинг расмий веб-сайти (www.tsul.uз) ҳамда Telegram, Facebook ва Instagram ижтимоий тармоқларида (@tsulofficial) олишингиз мумкин.
Маълумот учун телефон: +99871 233-66-36, +998 93 043-04-31.
Реклама ҳуқуқи асосида
