Баҳром Абдуҳалимов навоийлик сайловчилар билан учрашди

Фото: “Адолат” СДП

Кеча, 14 октябр куни Навоий шаҳар маданият ва маърифат марказида Ўзбекистон президентлигига “Адолат” социал-демократик партиясидан кўрсатилган номзод Баҳром Абдуҳалимовнинг навоийлик сайловчилар билан учрашуви бўлиб ўтди.

Учрашувда ишончли вакил номзоднинг таржимаи ҳоли ва фаолияти тўғрисида атрофлича маълумот берди ҳамда номзод Баҳром Абдуҳалимов сўзга чиқиб, ўз сайловолди дастурида илгари сурилган илғор ғоялар, асосий масалаларни сайловчилар эътиборига ҳавола қилди.

Маълум қилинишича, номзоднинг дастурида қайд этилган устувор йўналишлар, мақсад ва вазифалар социал-демократия ғояси ҳамда “Адолат” социал-демократик партиясининг дастурий мақсадлари ва сиёсий платформасига тўлиқ мос келади.

Тайёрлаган Фаррух Абсаттаров

#Навоий #Баҳром Абдуҳалимов

Сайлов қонунчилигига киритилган ўзгартишларга кўра сайловлар октябр ойи учинчи ўн кунлигининг биринчи якшанбасида ўтказилиши белгиланди. 2021 йилги президентлик сайлови 24 октябрга тўғри келмоқда.