Шеризьенинг айтишича, у Анрини “қон тўкиш эвазига бўлса ҳам” мамлакат раҳбариятидан четлатишга тайёр. У ўз тўдаси айнан бош вазирга эмас, балки “мамлакатнинг 95 фоиз бойлигини ўз қўлида ушлаб турган 5 фоиз одамга” қарши курашаётганини айтган.
Анрининг истеъфосини талаб қилаётганлар бош вазирни марҳум президент Жовенел Моизнинг ўлдирилишига алоқадор деб ҳисоблашмоқда. Бу айбловлар Анрининг Моизнинг ўлимида гумон қилинаётганлардан бири Жозеф-Феликс Бадьё билан президент қароргоҳига ҳужум уюштирилган кеча бир неча марта телефон орқали гаплашгани ҳақидаги ахборотга асосланган.
Жовенел Моиз 7 июлда ўз қароргоҳига содир этилган ҳужум вақтида ўлдирилган. Моизнинг ўлимидан кейин мамлакат бошқарувини бош вазир Клод Жозеф ўз қўлига олган. Бироқ кейинроқ у сиёсатчилар ўртасидаги ихтилоф мамлакатдаги вазиятни чигаллаштириши мумкинлиги сабабли “мамлакат равнақи учун” ўз лавозимидан кетишга тайёрлигини айтган.
