Ўсимликлар карантини ва ҳимояси агентлигига бош директор тайинланди. Бу ҳақда агентлик хабар бермоқда.
Фото: Ўсимликлар карантини агентлиги
Қайд этилишича, президентнинг 2021 йил 10 ноябр кунги ПҚ-5-сонли қарори билан Иброҳим Эргашев Ўзбекистон Ўсимликлар карантини ва ҳимояси агентлиги бош директори лавозимида иш бошлади.
Шу муносабат билан, Иброҳим Эргашев Ўзбекистон Вазирлар Маҳкамаси ҳузуридаги Ўсимликлар карантини давлат инспекцияси бошлиғи лавозимидан озод этилди.
Маълумот учун, Ўзбекистон президентининг 2021 йил 15 июлдаги ПҚ-5185-сон қарорига мувофиқ, Вазирлар Маҳкамаси ҳузуридаги Ўсимликлар карантини давлат инспекцияси негизида Ўсимликлар карантини ва ҳимояси агентлиги ташкил этилган.
