Иллюстратив фото
Сурхондарё вилояти Жарқўрғон туманида ўқишга киритишини айтиб ўз маҳалладошининг пулини ўзлаштирган шахсга жиноят иши қўзғатилган. Бу ҳақда вилоят ИИБ ахборот хизмати хабар бермоқда.
Маълум қилинишича, Жарқўрғон туманида яшовчи Л.Жонибек 2019 йил август ойидан 2019 йил декабрь ойигача маҳалладоши И.Жамолни ўқишга киритиб қўйишни ваъда қилиб Термиз шаҳрида 19,8 миллион сўм пулларини олган. Сўнг берган ваъдасини бажармасдан ушбу пулларни ўзининг эҳтиёжига ишлатиб юборган.
Қайд этилишича, жорий йил 5 ноябрь куни Л.Жонибекка нисбатан Жиноят кодексининг 168-моддаси 1-қисми билан жиноят иши қўзғатилган.
