ЖССТ раҳбари оммавий байрамларни бекор қилишга чақирди
Гебрейесуснинг айтишича, тахминларга кўра, COVID-19 пандемияси 2022 йилда тугайди.
Жаҳон соғлиқни сақлаш ташкилоти бош директори Тедрос Аданом Гебрейесус коронавируснинг “омикрон” штаммидан ҳимояланиш учун одамларни янги йил байрамлари режасидан воз кечишга чақирди.
ЖССТ раҳбари оммавий янги йил тадбирларини қолдиришга чақираркан, буни оғир, лекин зарур қарор деб айтди.
«Ҳаётни йўқотгандан кўра байрамни бекор қилган яхши. Барчамиз вақтимизни дўстлар ва оиламиз билан ўтказишни хоҳлаймиз. Барчамиз одатий ҳаётга қайтишни истаймиз», — деди Гебрейесус.
Унинг айтишича, тахминларга кўра, COVID-19 пандемияси 2022 йилда тугайди. Сайёра аҳлининг 70 фоизи келаси йил ўрталаригача эмланган ҳолдагина бунинг имкони бўлади.
Аввалроқ ЖССТнинг Россиядаги вакили Мелита Вуйнович “омикрон” “тирик вакцина” бўлиши ва COVID-19 пандемиясини енгишга имкон бериши мумкинлигини айтганди.
Мавзуга оид
18:55 / 05.10.2024
ЖССТ болаларнинг мобил телефонлардан фойдаланишини қонунан чеклашга чақирди
20:48 / 04.10.2024
Марбург безгаги глобал тарқалишининг хавфи паст — ЖССТ раҳбари
16:59 / 03.10.2024
Марбург вируси: ЖССТ янги глобал эпидемия хавфидан огоҳлантирди
00:28 / 19.09.2024