Ўзбекистонда кунлик ҳолатлар 1400га яқин, бу навбатдаги рекорд кўрсаткич

Соғлиқни сақлаш вазирлиги сўнгги бир кун ичида 1390 кишида коронавирус инфекцияси аниқланиб, 4 бемор вафот этгани, яна пневмония ҳолатлари қайд этилаётгани ҳақида хабар берди.

Фото: Kun.uz

«2022 йил 21 январь ҳолатига кўра, Ўзбекистонда коронавирус инфекцияси қайд этилганлар сони 212289 (+1390) нафарни ташкил этмоқда», дейилади хабарда.

Ўзбекистонда кетма-кет тўртинчи кун кунлик ўсиш бўйича рекордлар янгиланмоқда, бундан аввалги энг юқори кўрсаткич бир кун олдин қайд этилган, кунлик ҳолатлар 1321тани ташкил этганди.

Янги касалланиш ҳолатларининг:

57 нафари Қорақалпоғистон Республикасида,
41 нафари Андижон вилоятида,
59 нафари Бухоро вилоятида,
53 нафари Жиззах вилоятида,
26 нафари Қашқадарё вилоятида,
22 нафари Навоий вилоятида,
45 нафари Наманган вилоятида,
39 нафари Самарқанд вилоятида,
19 нафари Сирдарё вилоятида,
77 нафари Сурхондарё вилоятида,
142 нафари Фарғона вилоятида,
51 нафари Хоразм вилоятида,
183 нафари Тошкент вилоятида,
576 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида:

Андижон вилоятида 16 нафар,
Бухоро вилоятида 60 нафар,
Жиззах вилоятида 14 нафар,
Қашқадарё вилоятида 18 нафар,
Наманган вилоятида 19 нафар,
Самарқанд вилоятида 20 нафар,
Сурхондарё вилоятида 66 нафар,
Фарғона вилоятида 15 нафар,
Тошкент вилоятида 77 нафар,
Тошкент шаҳрида 132 нафар бемор тузалиб, касалликдан соғайганлар жами 202149 (+437) нафарга етди ва соғайиш кўрсаткичи 95 фоизни ташкил этмоқда.

Сўнгги бир кунда коронавирусга чалинган беморлардан яна 4 нафари вафот этиб, расмий статистика бўйича касаллик қурбонлари сони 1536 нафарни ташкил қилди.

Шунингдек, кеча 289 нафар кишида пневмония аниқланди.

#пневмония #антирекорд #коронавирус статистикаси